Nu tutubiscu, ccu la capu a jascu,
va spassiandu d'Arella a lu Cuescu.
Quandu se ferma me para nu mascu;
paradi l'ursu nesciutu de u vuescu.

Muertu de fame ! Ma tena la nasca,
nu d'ha na petra mu s'alluma lisca,
ṿ fare u mastru: Va trova! Va pisca!
E quandu parra para ca te rasca.

E' curagiusu, peṛ nu' s'arrisca.
Ma ccu la vucca! Baruffa a burrasca,
e ppe la gamba! Nessunu lu pisca
appena vida izare na frasca.

A la fatiga peṛ nu' ci annasca
ma ce piace jucare a lu friscu
e ppe campare fa cuemu la musca
‘nsina chi lassa la zampa a lu viscu.