Chissa è la terra dduve sugnu natu,
pocu me ‘mporta chillu chi diciti
si ‘ngratamente m'aviti cacciatu
vena lu juernu chi vinne pentiti.

Nente vala ssa pompa chi purtati
e tutta s'arruganza chi teniti,
vue de rapina e farsità campati
e la povera gente l'affrigiti.

Siti a stu munnu sulu mu ‘ngrassati
a dannu de li schiavi chi teniti
supra li furti de i vuestri antinati
vacabbundi: de grolia ve pasciti.