‘U SIRICU

(di A. Moraca)

A stu paise se fhacia na’ vota

‘u siricu intra tutti i tavulata.

Se cumpravanu i bruchi ed’assistuti

ccu’ pampine de ciuzu appena cote.

Manciavanu e criscianu a vista d’uocchju,

ccu’ pochi juorni se fhacianu ‘u duppiu

e pue a ra fhine gruossi e muoddhi muoddhi

ccu’ ra vava se chjudianu intra i cucuddhi.

Intra ‘a quadara ranne se vuddhìa

e ccu’ na’ frasca fhina se vattìa,

se trasformava a fili gialli ‘e sita

ppe’ fare panni fhini ad’ogne zita.