A Maruzzu Viardiaddhu

A settembre, ccu ru friscu,
ara fhorgia, zu’ Franciscu,
ccu ‘u piacire ‘e za’ Rachela,
priparava ‘na miscela:
‘na simenta simminava
chi pue a giugnu ‘u fruttu dava,
de duminica matina,
ccu Ermelinda ddha’ vicina.
Nesciu ffore ‘nu prattune
chi Maruzzu avia ppe’ nume.
Ppe’ tri juarni cce fu festa,
ccu ru patre ‘u primu ‘n testa,
‘e vudeddha sempre ammuaddhu,
ccu frittate e capeccuaddhu.
‘U criaturu chi criscia
e de scola ‘un ne vulia,
‘mpara subitu ‘nu mistiari
e pue fha ‘u carpentiari;
‘u crarinu hadi sonatu,
ara musica ‘mparatu.
Ma nu juarnu a nnu mumentu
saglia supra ‘u bastimentu,
lassa ‘u core aru paise
e ppue parta ‘u sammanghise.
De Carmela namuratu
doppu picca s’e’ ‘nzuratu,
ccu tri figlie, puru nannu,
fadi oje ‘u cumpreannu.
L’unu e giugnu io te cantu
‘sta canzuna ccu ttie accantu
<< e si mo’ sunu sessanta,
...‘n’atri ciantu d’acqua santa!!! >>

giugno 2007